Türkmenistan Gyrgyzystana 2 müň tonna suwuklandyrylan gazy ynsanperwer kömegi hökmünde iberer
Türkmenistanyň Prezidentiniň gol çeken Buýrugyna laýyklykda “Türkmengaz” döwlet konserni Gyrgyzystana dost-doganlyk kömegi hökmünde 2 müň tonna suwuklandyrylan tebigy gazy berer.
Bu Gyrgyzystanyň energetika pudagyndaky ýüze çykan häzirki ýagdaýlar bilen baglanyşykly kabul edildi. Bu barada anna güni, 2-nji fewralda “Watan” habarlar gepleşiginde habar berildi.
Gyrgyzystanyň Energetika ministrliginiň maglumatlaryna görä, 2-nji fewralda gije Bişkekdäki ýylylyk elektrik stansiýasynda heläkçilikli ýagdaý bolup geçdi - takmynan 3-de elektrik stansiýasynyň çäginde partlama boldy.
“Şunuň bilen baglylykda, köp edaralara we ýaşaýyş jaýlaryna barýan gyzgyn suw we ýyladyş togtadyldy. Ýyladyş üpjünçiliginiň kesilmegi sebäpli Bişkekdäki ähli mekdepler duşenbe gününe çenli onlaýn okuwlara geçýärler. Çagalar baglary wagtlaýyn ýapylýar”-diýip, “Tazabek” ýazýar.
ORIENT news
