Raşid Meredow Ýaponiýanyň Daşary işler ministrliginiň ýörite wekili bilen duşuşdy
Türkmenistanyň Daşary işler ministri Raşid Meredow Ýaponiýanyň Daşary işler ministrliginiň Merkezi Aziýa, Kawkaz we GUAM boýunça ýörite wekili Ikegami Masaki bilen duşuşdy.
Çarşenbe güni, 31-nji ýanwarda geçirilen duşuşykda däp bolan uzak möhletleýin dostluk, ynam we özara düşünişmek ýörelgelerine esaslanýan Türkmenistan bilen Ýaponiýanyň arasyndaky hyzmatdaşlygyň esasy taraplary ara alnyp maslahatlaşyldy. Türkmenistanyň Daşary işler ministrliginiň berýän habarynda ikitaraplaýyn gatnaşyklary giňeltmekde ýokary derejedäki gatnaşyklaryň ösdürilmegine aýratyn ähmiýet berilendigi bellenilýär.
Taraplar 2024-nji ýylda Gazagystanyň Astana şäherinde geçiriljek Merkezi Aziýa we Ýaponiýanyň ilkinji ýokary derejeli Sammitine görülýän taýýarlyk işlerini ara alyp maslahatlaşdylar we şu ýyl Ýaponiýanyň başlangyjy bilen döredilen “Merkezi Aziýa + Ýanaponiýa” dialogynyň 20 ýyllygynyň dolýandygyny bellediler.
ORIENT news
