Fatih Karahan Türkiýäniň Merkezi bankynyň ýolbaşçylygyna bellendi
Türkiýäniň Merkezi bankynyň ozalky başlygy Hafize Gaýe Erkan işinden aýrylýandygyny yglan edeninden soň, Fatih Karahan bu edaranyň ýolbaşçylygyna bellendi.
«Prezident Rejep Taýyp Ärdoganyň karary bilen, Merkezi bankyň täze dolandyryjysy wezipesine Fatih Karahan bellendi» diýlip, Hökümetiň resmi neşir organy bolan «Resmi Gazete» gazetinde bellenilýär.
Fatih Karahan bankyň başlygynyň orunbasary wezipesinde işleýärdi. Ol 2006-njy ýylda Bogaziçi uniwersitetiniň matematika we senagat inženerçiligi fakultetini tamamlady. Karahan 2012-nji ýylda Pensilwaniýa uniwersitetinde ykdysadyýet boýunça magistrlik we doktorlyk dissertasiýalaryny gorady. 2022-nji ýylda bolsa «Amazon» kompaniýasynda uly ykdysatçy bolup işe başlady.
Türkiýäniň Merkezi bankynyň ozalky başlygy Hafize Gaýe Erkanyň wezipesinden aýrylmak kararyna gelendigi barada 2-nji fewralda mälim boldy. Ol Türkiýäniň Prezidenti Rejep Taýyp Ärdogandan bu islegini makullamagyny haýyş etdi. Erkanyň wezipesinden gitmek baradaky karary şahsy sebäplere esaslanýar.
ORIENT news
