Türkmenistanyň ýangyç-energetika toplumy daşary ýurtlaryň ylmy-barlag edaralary bilen hyzmatdaşlygy çuňlaşdyrar
Türkmenistanyň nebit senagaty ýangyç-energetika toplumynda iş alyp barýan daşary ýurtlaryň ylmy-barlag edalary bilen hyzmatdaşlygy ösdürer. Bu boýunça degişli tabşyrygy anna güni geçirilen Ministrler Kabinetiniň nobatdaky mejlisinde Prezident Serdar Berdimuhamedow wise-premýer Batyr Amanowa berdi. Bu barada Türkmenistanyň Döwlet habarlar agentligi mälim edýär.
Bellenişi ýaly, öňdebaryjy tehnologiýalary işjeň ornaşdyrmak maksady bilen, ýurdumyz uly tejribä we kuwwata eýe bolan ygtybarly daşary ýurt nebitgaz kompaniýalary bilen hyzmatdaşlyk edýär.
Wise-premýer Batyr Amanowyň hasabatynda mälim edilmegine görä, “Türkmengaz” döwlet konserniniň Ylmy-barlag tebigy gaz instituty we “Türkmennebit” döwlet konserniniň “Nebitgazylmytaslama” instituty bilen bilelikde hereket edýän nebitgaz ýataklaryny netijeli ulanmaga gönükdirilen işler yzygiderli amala aşyrylýar.
ORIENT news
