Türkmen futbolçysy Lionel Messi bilen bir meýdançada duşuşar
Fewral 02, 2024 | 13:24 |6035
Türkmenistanyň futbol ýygyndysynyň ýarymgoragçysy, Gonkongyň “Kitçi” toparynyň oýunçysy Ruslan Mingazow ABŞ-nyň “Inter Maýami” futbol kluby bilen geçiriljek ýoldaşlyk duşuşgynda Lionel Messi bilen bir meýdançada çykyş eder. Bu barada “Kitçi” futbol kluby habar berdi.
Duşuşyk 4-nji fewralda Gonkongyň Milli stadionynda geçiriler.
Lionel Messini we onuň “Barselonadaky” öňden gelýän ýoldaşlary Luis Suaresi, Serhio Busketsi we Žordi Albany özünde jemleýän “Inter Maýami” klubyna garşy geçiriljek duşuşykda “Kitçiniň” düzüminde türkmen futbolçysy Ruslan Mingazow bilen bilelikde onuň 5 topardaşy çykyş eder.
Ýeri gelende bellesek, Ruslan Mingazow 2022/2023-nji ýylyň oýun möwsüminde Gonkongyň iň gowy futbol oýunçysy diýlip yglan edilipdi.
ORIENT news
