Ministrler Kabinetiniň Başlygynyň orunbasary Täjigistanyň ilçisi bilen duşuşdy
Fewral 02, 2024 | 12:02 |5421
Türkmenistanyň Ministrler Kabinetiniň Başlygynyň orunbasary Batyr Atdaýew Täjigistanyň ilçisi Wafo Niýatbekzoda bilen duşuşyp, iki dostlukly ýurduň arasyndaky hyzmatdaşlygy has-da giňeltmegiň meselelerini ara alyp maslahatlaşdy. Bu barada Täjigistan Respublikasynyň Daşary işler ministrligi habar berýär.
Bellenişi ýaly, duşuşygyň barşynda iki ýurduň arasyndaky söwda dolanyşygyny artdyrmagyň zerurlygy nygtaldy we işewür toparlaryň we telekeçileriň özara sergilere we işewür forumlara işjeň gatnaşmagy tassyklandy.
Mundan başga-da, türkmen-täjik hyzmatdaşlygynyň häzirki ýagdaýy we geljegi barada durlup geçildi. Ykdysadyýet, söwda we senagat pudaklarynda özara gatnaşyklary ösdürmek barada pikir alşyldy.
ORIENT news
