Türkmenistanly zenan futzalçylar “CAFA” çempionatyna gatnaşýar
Fewral 02, 2024 | 11:07 |5725
Türkmenistanyň Futzal ýygyndysy Merkezi Aziýa Futbol federasiýasynyň (CAFA) zenanlaryň arasynda geçirilýän futzal ýaryşyna gatnaşýar. Bu barada “Tehran Times” neşiri habar berýär.
Merkezi Aziýa ýurtlarynyň zenan ýygyndylarynyň arasynda futzal çempionaty 2022-nji ýyldan bäri her ýyl geçirilýär. Sebit birinjiligi ugrunda geçirilýän ýaryşlara Türkmenistanyň, Eýranyň, Täjigistanyň, Özbegistanyň we Gyrgyzystanyň ýygyndy toparlary gatnaşýarlar.
Täjigistanyň paýtagtynda geçirilýän çempionat şu gün – 2-nji fewralda badalga alyp, ol 12-nji fewrala çenli dowam eder.
Oýunlar aýlawlaýyn görnüşde geçirilip, gatnaşyjy toparlar birek-biregi bilen duşuşyklary geçirerler.
ORIENT news
