“Galkynyş” gaz käninde goşmaça 14 guýy gurlar
“Türkmengaz” döwlet konserni “Galkynyş” gaz käninde täze goşmaça önüm beriji 14 guýyny gurmakda hyzmat işlerini alyp barjak taraplary saýlap almak boýunça bäsleşik yglan etdi. Bu barada Türkmenistanyň resmi metbugaty habar berýär.
Bäsleşige gatnaşmak üçin hukuk derejesini, bank hasaplaryny we beýleki telekeçilik maglumatlaryny görkezýän resminamalaryň nusgalaryny tabşyrmak möhümdir. Teklipler bildiriş çap edileninden soň, 14 iş gününiň dowamynda kabul edilýär.
Resminamalar Aşgabat şäherindäki Arçabil şaýolunyň 56-njy jaýynda kabul edilýär.
Ýeri gelende bellesek, “Galkynyş” gaz käni dünýäde iň iri uglewodorod ýataklarynyň biridir. Häzirki wagtda Türkmenistan eksport mümkinçiliklerini artdyrmak maksady bilen bu gaz känini toplumlaýyn özleşdirmek işlerini alyp barýar.
ORIENT news
