Ilon Maskyň kompaniýasy neýroçipi adam beýnisine üstünlikli ornaşdyrdy
Özüne degişli bolan "X" sosial ulgamyndaky hasabynda amerikaly milliarder Ilon Mask "Neurolink" kompaniýasynyň ilkinji bolup adam beýnisine simsiz neýroçipi üstünlikli ornaşdyrandygyny habar berdi.
Bu çip adam aňy bilen kompýuteriň arasynda özara baglanyşdyryjy köpri bolup hyzmat eder. Eşidiş enjamy ýaly gulaga berkidilýän kabul ediji kapsulanyň adam beýnisine uzaýan sapajyk ýaly kiçi elektrodlary bar. Bu enjam beýniniň signallaryny "Bluetooth" ulgamy arkaly geçirmäge ukyplydyr.
Enjam arkaly müňden gowrak implant edilen elektrodlar adam beýnisine aralaşýar.
Enjamy işläp taýýarlanlaryň aýtmaklaryna görä, täze çip fiziki we psihiki bozulmalara garşy göreşmäge ýardam eder.
Enjamyň işleýşiniň ilkinji netijeli, onuň nerw impulslaryny anyklap bilýändigini görkezdi.
"Düýn ilkinji adam "Neurolinkden" implant aldy we derrew özüne geldi. Ilkinji netijeler köp zady wada berýän neýron spaýklaryny görkezdi" diýip, işewür belledi.
Beýnide implantlary janlandyrmak üçin synaglara gatnaşmaga meýletinçileri saýlamak işi geçen ýylyň sentaýbrynda başlandy. Şonda başlangyç tapgyrda çipiň howpsuzlygyna, hirurgiýa işine baha beriljekdigi aýdylypdy.
Bu boýunça taslama baryp-ha 2016-njy ýylda işe girizildi. Mundan ozal, degişli ugurda barlaglar diňe haýwanlarda geçirilýärdi.
ORIENT news
