Siggi`s Dairy kompaniýasy bir aýlap smartfonsyz oňup bilene baýrak berýär
Siggi`s Dairy kompaniýasy bir aýlap smartfonsyz oňup bilene baýrak berýär. Bu barada kompaniýanyň saýtynda habar berilýär.
Kompaniýa bir aý smartfon ulanman, oňup bilene 10 müň dollar tölejekdigini aýdýar.
Gatnaşmak isleýänlere birnäçe şertleri ýerine ýetirmeli, hususan-da, şeýle maksatnamanyň özi üçin nähili ähmiýetiniň bardygyny açyp görkezýän gysgajyk hekaýa ýazmaly hem-de smartfondan ýüz öwürmeli.
Oňa derek ähli gatnaşyjylara aragatnaşyk saklamak üçin adaty telefon, şeýle hem telefonyň ýany bilen deslapky töleg geçirilen SIM-karta berler.
Kompaniýanyň bu maksatnamasy gajetler we sosial ulgamlar bilen çenden aşa gyzyklanma meselesine üns çekmegiň ýene-de bir usulydyr. Häzirki döwürde gajeti ýa-da ykjam telefony bolmadyk adam ýok diýen ýalydyr.
Şoňa görä-de, Sigginiň bu çelenji belli bir derejede peýda getirer, ilkinji nobatda, smartfondan ýüz öwürmegiň netijesinde durmuşy özgeren adamlara peýda getirer.
ORIENT news
