Hytaý we Tailand wizasyz düzgün barada ylalaşyga gol çekdiler
Hytaý we Tailand wizasyz düzgün barada özara ylalaşyk baglaşdylar. Bu barada "China daily" neşiri habar berýär.
Degişli resminama Tailandyň we Hytaýyň daşary işler ministrleriniň arasynda Bangkok şäherinde geçen konsultatiw gurluşly ilkinji duşuşygyň çäklerinde gol çekildi.
Täze düzgün 1-nji martdan güýje girer.
Hytaýyň daşary işler ministri Wan Iniň sözlerine görä, wizasyz düzügüniň girizilmegi Tailanda gelýän hytaýly syýahatçylaryň sanynyň artmagyna goşant goşar. Şeýle hem, ýokary derejeli diplomat tailand halkyny Hytaýyň belent ösüşli ruhuny duýmaga we hytaý halkynyň myhmansöýerligine şaýat bolmaga çagyrdy.
Hytaý goňşy ýurtlar bilen alyp barýan diplomatiýasynda Tailand döwletini ileri tutulýan hyzmatdaş hökmünde görýär we ýurduň ösüş ýoluny dowam etdirmegini goldaýar.
Öz gezeginde Tailandyň daşary işler ministri Parnpri Bahiddha-Nukara wizasyz düzgüni güýje girizmek baradaky ylalaşygyň uzak möhletli hytaý-tailan dostlugynyň we ynanaşmagynyň nyşany bolup durýandygyny aýtdy.
Geljek ýylda Hytaý bilen Tailandyň arasynda diplomatik gatnaşyklaryň ýola goýulmagynyň 50 ýyllygy belleniler. Soňky ýyllarda iki ýurduň arasyndaky gatnaşyklar täze derejä çykdy.
Şeýle hem Hytaýa guş etini we podokarpusy eksport etmek barada şertnama baglaşyldy. Podokarpus - bu landşaft bezegi üçin niýetlenen gaýtalanmajak ösümlikdir. Hytaý Tailanddan has ýöriteleşdirilen oba hojalyk önümleri-de import eder.
ORIENT news
