Türkmen talyby jiu-jutsu boýunça boýunça Harkow oblastynyň çempiony boldy

Ýanwar 30, 2024 | 10:39 |7004

Ukrainanyň Harkow politehniki institutynda bilim alýan türkmen talyby Babageldi Halimow 90 kilogram agram derejesinde jiu-jitsu boýunça boýunça Harkow oblastynyň çempiony boldy. Bu barada Türkmenistanyň Ukrainadaky ilçihanasy habar berýär.

Oblast çempionaty Ukrainanyň Milli Jiu-Jitsu söweş federasiýasy tarapyndan guraldy. Çempionat 19-40 ýaş aralygyndaky toparlary öz içine aldy. Bäsleşik oblastyň dolandyryş merkezi bolan Harkow şäheriniň sport toplumynda geçirildi.

Daşary ýurtlaryň ýokary okuw mekdeplerinde bilim alýan Türkmenistanyň raýatlary, dürli ugurlarda öz ukyp-başarnyklaryny görkezip bilim edaralarynyň sport we ylmy durmuşyna işjeň gatnaşýarlar.

ORIENT news