Aspirantlar we doktorantlar üçin “Anadolu” agentliginiň talyp haklaryny almaga ýüz tutmalar kabul edilýär
Aspirantlar we doktorantlar üçin “Anadolu” habarlar agentliginiň talyp haklaryny almaga ýüztutmalaryň kabul edişligi dowam edýär. Bu barada agetnligiň saýtynda habar berilýär.
Ýüztutmalar 31-nji marta çenli kabul edilýär.
Talyp haklary iki magistranta we iki doktoranta dissertasiýa barlaglaryny goldamak, akademiki we hünär ösüşine ýardam etmek maksady bilen berilýär.
Talyp haky bilim almagyň we dissertasiýany goramagyň tutuş dowamynda berler. Onuň möçberi doktorantlar üçin 25 müň lira, magistrantlar üçin bolsa 12,5 müň lira bolar.
Magistrlik maksatnama boýunça talyp hakyny almak baradaky ýüz tutmalar diňe Türkiýeden kabul edilýär.
Doktorlyk maksatnama bolsa içerki we halkara ýüztutmalar üçin açykdyr.
Dalaşgärler magistraturada okaýanlygy baradaky kepilnamany, iki sany güwä hatyny, dissertasiýanyň mowzugy baradaky maglumaty we meýiller baradaky haty tabşyrmaly.
Şeýle hem daşary ýurt dilini bilýändigiň baradaky güwänama bolmaly. Synag iňlis dilinde we iki ýylyň dowamynda tabşyrylan bolmaly. Test synagynyň netijesi 80 derejeden pes bolmaly däl. Onuň ýerine netijesi 90 derejeden pes bolmadyk TOEFL testi hem bolup biler.
Goşmaça maglumaty almak üçin telefon belgileri: +90 312 999 25 82; +90 312 999 25 87.
ORIENT news
