Türkmenistanyň döwlet haryt-çig mal biržasynyň söwdalarynda 18 geleşik baglaşyldy
Geçen hepde Türkmenistanyň döwlet haryt-çig mal biržasynyň söwdalarynda geleşikleriň 18-si baglaşyldy. Bu barada Türkmenistanyň döwlet habarlar agentligi habar berýär.
Daşarky bazarda Birleşen Arap Emirlikleriniň, Türkiýäniň, Gazagystanyň we Owganystanyň telekeçileri “Türkmennebit” döwlet konserniniň kärhanasynda öndürilen polipropileni satyn aldylar.
Şeýle hem Türkiýäniň işewürleri nah ýüpligini satyn aldylar. Daşarky bazarda geleşikleriň jemi bahasy ABŞ-nyň 8 million 120 müň dollaryna deň boldy.
Ýurdumyzyň telekeçileri içerki bazar üçin “Türkmennebit” döwlet konserniniň kärhanasynda öndürilen polipropileni we gaplaýyş plýonkasyny, el halylaryny hem-de ýüpek çig-malyny satyn aldylar.
Içerki bazarda geleşikleriň jemi bahasy 40 million 645 müň manatdan gowrak boldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanyşyp bolar.
ORIENT news
