Türkmenistan özbek Lideriniň iň köp sapar eden ýurtlarynyň biri boldy
Türkmenistan özbek Lideri Şawkat Mirziýoýewiň soňky 6 ýylda iň köp sapar eden esasy 3 ýurdunyň biri boldy. Bu barada "Daryo.uz" neşiri habar berýär.
2017 - 2023-nji ýyllarda goňşy döwletiň Prezidentiniň 24 döwlete sapary amala aşyryldy. Degişli döwürde Prezident Şawkat Mirziýoýew Russiýa 12, Gazagystana 9, Türkmenistana hem 8 gezek sapar etdi. Ol Gyzrgyz Respublikasyna 7 sapary amala aşyrdy.
Russiýa Özbegistanyň iň uly söwda hyzmatdaşlaryndan biri bolup, ýurtlar dürli formatlarda we halkara guramalarynyň çäklerinde ýakyn hyzmatdaşlyk edýärler. Gazagystan we Türkmenistan Özbegistanyň iň uly goňşy hyzmatdaşlaryndan biridir. Bu ýurtlar dürli söwda, ulag we energetika taslamalary arkaly ýakyn gatnaşyklary saklaýarlar.
Mirziýew iň soňky gezek geçen ýylyň awgust aýynda Türkmenistanyň, Özbegistanyň we Täjigistanyň döwlet Baştutanlarynyň üçtaraplaýyn sammitine gatnaşmak üçin Aşgabada gelipdi.
ORIENT news
