“48 sagatda film” Merkezi Aziýa bäsleşigine ýüztutmalar kabul edilip başlandy
“48 sagatda film ýaryşy” (48HFR) gysga film bäsleşigine gatnaşmak üçin ýüztutmalar başlandy. Guramaçylar muny sosial ulgamlardaky sahypalarynda habar berýärler.
Bäsleşige Türkmenistanyň, Gazagystanyň, Özbegistanyň, Täjigistanyň we Gyrgyzystanyň raýatlary bolan kino muşdaklary çagyrylýar. Şeýle hem kino düşürmekde ökde bolmak hökman däl - höwesjeňler we täze başlanlar hem kino surata düşmekde ellerini synap bilerler. Esasy baýrak Nýu-Ýork film akademiýasynyň master-klasyna syýahatdyr. Ýüztutmalaryň kabul edilýän soňky möhleti 22-nji fewraldyr.
“48HFR” ABŞ-nyň Gazagystandaky diplomatik missiýasynyň başlangyjy bolup, Merkezi Aziýanyň ähli ýurtlaryny öz içine alýar. Bu ýyl ýaryş dokuzynjy gezek geçiriler. Taslamanyň şertlerine laýyklykda, şu möwsümde – 24-25-nji fewralda bäsdeşlik 48 sagadyň dowamynda 4 minutdan köp bolmadyk gysga film döretmeli. Filmiň bäsdeşlik möhletinde surata düşürilendigine göz ýetirmek üçin gurnaýjylar her ýyl döredijilik meselesini düzýärler: filmde belli bir tema, ýer we häsiýet peýda bolmaly. Gatnaşmagyň düzgünleri barada has giňişleýin maglumaty bäsleşigiň resmi web sahypasynda alyp bilersiňiz.
ORIENT news
