Aşgabatda "Garaşsyzlygyň 15 ýyllygy" seýilgähi döwrebaplaşdyrylar
Ýanwar 27, 2024 | 01:23 |14684
Aşgabat şäherindäki Nurmuhammet Andalyp köçesiniň ugrunda ýerleşýän "Garaşszylygyň 15 ýyllygy" seýilgähi döwrebaplaşdyrylar. Seýilgähi döwrebaplaşdyrmak boýunça alnyp baryljak işleriň çäklerinde bu ýerde welosiped ýodalaryny meýilleşdirilýär.
Seýilgähiň tutýan umumy meýdany 50 gektara barabardyr. Seýilgähiň çäginde ýaşyl zolaklary döretmek, abadanlaşdyrmak işlerini geçirmek göz öňünde tutulýar.
Şeýle hem bu ýerde ýerüsti pyýada geçelgeleriň ikisini, dynç alyş bassyrmalaryny, suw howuzlaryny, bassyrmaly awtoduralgalary gurmak hem-de döwrebap yşyklandyryş sütünlerini ornaşdyrmak göz öňünde tutulýar.
ORIENT news
