Türkmenistanyň Döwlet haryt-çig mal biržasynyň söwdalarynda nebithimiýa, ýeňil senagat önümleri we türkmen halylary ýerlenildi
25-nji ýanwarda, penşenbe güni, Türkmenistanyň Döwlet haryt-çig mal biržasynyň söwdalarynda içerki we daşarky bazarlarda nebithimiýa, ýeňil senagat önümleri we el halylary ýerlenildi.
Daşarky bazarda Birleşen Arap Emirlikleriniň telekeçileri Türkmenisatnyň Dokma senagaty ministrligi bilen nah ýüpligini satyn almak barada geleşik baglaşdylar.
Türkiýaniň we Azerbaýjanyň işewür toparlarynyň wekilleri türkmen kompaniýalaryndan ýüpek çig-malyny we arassalanan pagta galyndylaryny satyn aldylar.
Türkmen telekeçileri içerki bazar üçin “Türkmennebit” döwlet konserni bilen “TPP D 30 S” kysymly polipropileni satyn almak barada geleşik baglaşdylar. Şeýle hem olar el halylaryny satyn aldylar.
Söwdalaryň dowamynda umumy bahasy 12 225 883,33 we 1 053 290 dollar bolan ýedi geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bolar.
ORIENT news
