Türkmenistan Hindistan bilen hyzmatdaşlygy mundan beýläk-de ösdürmäge gyzyklanma bildirýär
Tükmenisanyň Prezidenti Serdar Berdimuhamedow Hindistan Respublikasynyň Prezidenti Draupadi Murmuwy hem-de Premýer-ministri Narendra Modini ýurduň milli baýramy — Respublika güni mynasybetli gutlady. Bu barada Türkmenistanyň Döwlet habarlar agentligi mälim edýär.
“Türkmenistan bilen Hindistan Respublikasynyň arasyndaky gatnaşyklar yzygiderli berkidilýär we mazmun taýdan baýlaşdyrylýar. Ikitaraplaýyn hyzmatdaşlygyň mundan beýläk-de ösdürilmegine, täze sepgitlere ýetirilmegine uly gyzyklanma bildirýäris” divlip, gutlag hatynda nygtalýar.
Şeýle hem Prezident Serdar Berdimuhamedow ýurtlaryň arasyndaky hyzmatdaşlygyň geljekde-de halklaryň bähbidine yzygiderli ösdüriljekdigine berk ynam bildirdi we mümkinçilikden peýdalanyp, Hindistan Respublikasynyň ýolbaşçylaryna berk jan saglyk, bagtyýarlyk, abadançylyk, ähli başlangyçlarynda uly üstünlikleri arzuw etdi.
ORIENT news
