Daşkentde asma ýollaryny jemgyýetçilik ulagy hökmünde ösdürmek teklip edilýär
Hytaýyň Şençžen şäherinde Özbegistanyň wekiliýeti “Beijing North Bartholet Ropeway Technology Co.,Ltd.” kompaniýasynyň wekilleri bilen asma ýol taksilerini jemgyýetçilik ulagy hökmünde ösdürmek boýunça taslamany işe girizýän maýa goýum ylalaşygyna gol çekdi.
Bu taslama ilki şäher jemgyýetçiliginiň garamagyna hödürlener. Soňra bu boýunça toplanan teklipler we hödürnamalar hytaý kompaniýasyna hödürlener. Soňra bu kompaniýa taslamany durmuşa geçirmek we dolandyryşy guramak işini alyp barar.
Hytaýyň “Beijing North Bartholet Ropeway Technology Co.,Ltd.” kompaniýasy – bu asma ýollary, dynç alyş seýilgählerini we yşyklandyryş ulgamlaryny gurmakda öňdebaryjy “Bartholet Maschinenbau AG” atly şweýsar kompaniýasy bilen bilelikde döredilen kärhanadyr.
ORIENT news
