Daşkentde ýurdumyzyň wekilhanasy brifing geçirdi
Türkmenistanyň Özbegistandaky ilçihanasy 2024-nji ýylyň Türkmenistanda “Pähim-paýhas ummany Magtymguly Pyragy” ýyly diýlip yglan edilmegi mynasybetli Daşkent şäherinde brifing gurady.
Çärä Daşary işler ministrliginiň, ýurdumyzyň Özbegistandaky diplomatik wekilhanasynyň wekilleri, döredijilik we ylmy işgärler gatnaşdylar.
Türkmenistanyň Özbegistandaky Adatdan daşary we Doly ygtyýarly ilçisi Şadurdy Meredow gatnaşyjylary “Arkadag Serdarly bagtyýar ýaşlar” şygary bilen geçen 2023-nji ýylyň netijeleri bilen tanyşdyrdy.
Hususan-da, geçen ýyl Türkmenistanyň başlangyjy boýunça BMG-nyň Baş Assambleýasynyň dört sany kararnamasy kabul edildi.
2024-nji ýyl Türkmenistanda “Pähim-paýhas ummany Magtymguly Pyragy” şygary bilen geçer. Bu ýylda beýik şahyryrň we akyldaryň doglan gününiň 300 ýyllygy giňden belleniler.
ORIENT news
