Türki döwletleriň guramasynyň ýanynda Bäsdeşlik boýunça geňeş döredildi
Türki döwletleriň guramasyna agza döwletleriň düzümleriniň gatnaşmagynda Stambulda geçirilen duşuşykda Guramanyň ýanynda Bäsdeşlik boýunça geňeşi döretmek hakynda çözgüt kabul edildi.
Bu geňeş bäsdeşlik boýunça degişli düzümleriň arasynda maglumatlary alyşmak, ählumumy wehimlere garşy göreşmek we ýurtlaryň, sebitleriň arasynda özara baglanyşygy pugtlandyrmak üçin meýdança bolar.
Taraplar şeýle hem Azerbaýjanyň Şuşa şäherinde täze döredilen geňeşiň çäklerinde Bäsdeşlik boýunça maslahaty geçirmegi ylalaşdylar.
Türki döwletleriň guramasyna agza döwletleriň bäsdeşlik boýunça düzümleriniň mejlisine Türkiýäniň, Azerbaýjanyň, Gazagystanyň, Gyrgyzystanyň, Wengriýanyň, Özbegistanyň söwda ministrlikleriniň we bäsdeşlik boýunça düzümleriniň wekilleri gatnaşdylar.
ORIENT news
