Türkmenistanda öndürilen önümler Kazandaky iri söwda merkezinde satylýar
Türkmenistanda öndürilen önümler Kazan şäherinde ýerleşýän “Bahetle” atly iri söwda merkezinde satylyp başlandy. Bu barada Kazan şäherinden “ORIENT-e” habar berdiler. Bellenişi ýaly, bu söwda merkezinde azyk önümlerinden başlap, dürli himiýa we hojalyk harytlary satylýar.
“Men bir ýyla golaý wagtdan bäri Kazanda okaýaryn. Bu ýerde Türkmenistanda öndürilen önümleri görendigime örän şat” diýip, türkmenistanly talyp Milana Kaletinskaýa aýdýar. Onuň sözlerine görä, bu ýerde ter we gaplama önümlerini, goýaltmalary, maýonezleri we souslary elýeterli bahdan satyn alyp bolýar. “Eger-de biz daşary ýurt önümleri bilen bir ýerde duran Türkmenistanda öndürilen önümleri görenimizde, biz höwes bilen öz ýurdumyzyň harytlaryny satyn alýarys” diýip, ildeşimiz belledi.
Onuň sözlerine görä, Kazan şäheriniň ýaşaýjylary aýratyn-da miwe mürepbe önümlerine uly isleg bildirýärler. Bellenişi ýaly, Türkmenistanda öndürilýän önümler Kazanyň söwda nokatlarynda has köp duş gelýär. Bu şäherdäki iri ýokary okuw mekdepleriniň umumy ýaşaýyş jaýlarynyň golaýyndaky dükanlarda türkmen harytlarynyň görnümegi bu ýerde okaýan köp sanly türkmenistanly ýaşlary guwandyrýar. Mysal hökmünde bllesek, diňe Kazan Federal uniwersitetinde türkmen ýaşlarynyň 4 müňe golaýy bilim alýar.
ORIENT news
