Türkmenistanyň Döwlet haryt-çig mal biržasynyň söwdalarynda nebithimiýa, ýeňil senagat önümleri we el halylary ýerlenildi
23-nji ýanwarda, sişenbe güni, Türkmenistanyň Döwlet haryt-çig mal biržasynyň söwdalarynda içerki we daşarky bazarlarda nebithimiýa, ýeňil senagat önümleri we el halylary ýerlenildi.
Daşarky bazarda Türkiýäniň telekeçileri Türkmenistanyň Dokma senagaty ministrligi bilen nah ýüpligini satyn almak barada geleşik baglaşdylar.
Gyrgyzystanyň we Beýik Britaniýanyň işewür toparlarynyň wekilleri türkmen telekeçilerinden erkekler üçin köýnekleri we jins matasyny satyn aldylar.
Türkmen telekeçileri içerki bazarda “Türkmennebit” döwlet konserni bilen “BND 60/90” kysymly nebit ýol bitumyny satyn almak barada geleşik baglaşdylar. Şeýle hem olar el halylaryny satyn aldylar.
Söwdalaryň dowamynda umumy bahasy 2 529 693,37 manat we 811 003 dollar bolan bäş geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bolar.
ORIENT news
