Ýaponiýanyň Türkmenistandaky ilçisi ýurduň bilim ministri bilen duşuşdy

Ýanwar 24, 2024 | 20:20 |5894

Ýaponiýanyň Türkmenistandaky diplomatik wekilhanasynyň başlygy Sasaki Hiroşi ýurduň bilim ministri Gurbangül Ataýewa bilen duşuşdy. Ilçihana muny sosial ulgamlarynda habar berýär.

Duşuşykda söhbetdeşler bilim pudagynda, hususan-da, ýapon dilini öwretmek, özara talyp alyş-çalyşy we ylmy-tehniki hyzmatdaşlygy ara alyp maslahatlaşdylar.

Ilçi Sasaki Hiroşi 2023-nji ýylyň noýabr aýynda Ýaponiýanyň Türkmenistandaky diplomatik missiýasynyň başlygy wezipesini kabul etdi. Ondan öň Ýaponiýanyň dürli döwlet edaralarynda ýokary wezipelerde işläpdi.

ORIENT news