Lebap welaýatynda gurluşyk hekini öndürýän kärhana gurlar

Ýanwar 24, 2024 | 10:32 |5292

Türkmenistanyň Senagat we gurluşyk önümçiligi ministrligi Lebap welaýatynyň Köýtendag etrabynda gurluşyk hekini öndürýän täze kärhanany gurmak boýunça açyk halkara bäsleşigini yglan etdi.

Gurluşyk taslamasyna gatnaşmaga isleg bildiren taraplar kanunçylyk-hukuk ýagdaýy baradaky resminamalaryň nusgalary bilen birlikde ýüz tutmalydyrlar. Bäsleşige gatnaşmak töleglidir we bu işiň ýerine ýetirilendigi baradaky hasap kagyzy görkezilmelidir.

Gurluşyk taslamasy boýunça teklipler Aşgabat şäheriniň Arçabil şaýolunyň 132-nji jaýynda ýerleşýän ministrligiň edara binasynda 30 günüň dowamynda kabul edilýär.

Türkmenistanyň gündogar – Köýtendag sebiti dürli gurluşyk serişdelerine, magniý, kükürt we beýleki baýlyklara baý toprakdyr.

ORIENT news