Türkmenistanyň we Özbegistanyň ilçileri ýurtlaryň arasynda hyzmatdaşlygy giňeltmek meselelerini maslahatlaşdylar
Türkmenistanyň Belgiýadaky ilçisi Sapar Palwanow tbu ýurtda täze bellenen özbegistanly kärdeşi Gaýrat Fozilow bilen duşuşdy. Duşuşykda Türkmenistan bilen Özbegistanyň arasynda soňky ýyllarda giňeldilýän hyzmatdaşlygynyň meseleleri maslahatlaşdyldy. Bu barada Türkmenistanyň Belgiýa Patyşalygyndaky ilçihanasy habar berýär.
Habar berlişi ýaly, diplomatlar şeýle hem öz ýurtlarynyň Ýewropa Bileleşiginiň we Merkezi Aziýanyň arasyndaky sebitara gepleşiklere ygrarlydyklaryny aýtdylar. Bellenişi ýaly, bu gepleşikler täze tapgyra gadam basyp, olar sebit ýurtlarynyň arasynda özara hyzmatdaşlygy we düşünişmegi pugtalandyrýar.
Taraplar şeýle hem, global diplomatiýada üstünlik gazanmak üçin halkara guramalarynyň çäklerinde özara goldawy tassyklaýan dürli ugurlardaky hyzmatdaşlygyň ösdürilýändigini bellediler.
ORIENT news
