Balkan sebitindäki hususy kärhanalaryň senagat önümçiligi 42 göterim artdy
Balkan welaýatynyň çäginde ýerleşýän hususy kärhanalar geçen ýyl senagat önümçiligini ondan ozalky ýyldakydan 42 göterim ýokarlandyrdylar. Bu barada “Türkmenistan” gazeti habar berýär.
Geçen ýyl Balkan welaýatynda jemi bahasy 20,6 milliard manada barabar senagat önümleri öndürildi. Şonuň 10 milliard manatlygy hususy telekeçilere degişlidir. Şeýle görkezijä ýetmek Ispaniýanyň, Türkiýäniň, Hytaýyň, Bolgariýanyň we beýleki öňdebaryjy döwletleriň öňdebaryjy tehnologýalarynyň önümçilikde giňden peýdalanylmagynyň hasabyna mümkin boldy.
Balkan welaýatynda öndürilýän önümlere, hususanda, Russiýa Federasiýasynyň, Azerbaýjanyň we Gazagystanyň işewürleri ul gyzyklanma bildirýärler. Kenarýaka sebitde öndürilýän önümler esasan Türkmenbaşy Halkara deňiz portunyň üsti bilen daşary ýurtlara iberilýär.
ORIENT news
