Ýapon kompaniýasy türkmen telekeçilerine işewürlik hyzmatlaryny hödürledi
Ýaponiýanyň “Gransol Inc” senagat konsaltinginde ýöriteleşen kompaniýasy, türkmen telekeçilerine Türkmenistan bilen Ýaponiýanyň önümçilik kompaniýalarynyň arasynda özara peýdaly gatnaşyklary ösdürmek üçin işewürlik hyzmatlaryny hödürledi. Türkmenistanyň Söwda-senagat edarasynyň metbugat gullugynyň habaryna görä, bu barada duşenbe güni, 22-nji ýanwarda Aşgabatda geçirilen “Gransol Inc” we Türkmenistanyň Söwda-senagat edarasynyň wekilleriniň arasynda geçirilen duşuşykda mälim edildi.
Ikitaraplaýyn hyzmatdaşlykda ýardam bermekden ybarat bolan işewürlik hyzmaty iki ugurdan ybarat: işewür hyzmatdaşlary tapmak üçin Ýaponiýa baryp görmek we Ýaponiýadan potensial maýadar bolup biljek kompaniýalaryny işewürlikleriň iň geljegi uly görnüşleri bilen tanyşmak üçin Türkmenistana çagyrmak.
“Gransol Inc”-iň Türkmenistanyň Söwda-senagat edarasyna eden saparynyň ähmiýeti, Türkmenistanyň hökümet wekiliýetiniň 22-23-nji ýanwarda Ýaponiýa amala aşyran saparynyň dowamynda ýurduň resmi işgärleri we işewür toparlarynyň wekilleri hem-de maliýe institutlary bilen bolan duşuşyklaryň dowamynda hem bellenildi.
“Gransol Inc”, müşderilerine bazar derňewi, strategiýany işläp düzmek, taslamany dolandyrmak, işgärleri saýlamak, dürli pudaklardaky okuwlar ýaly dürli hyzmatlary hödürleýär: himiýa, energiýa, maşyn gurluşygy, elektronika, oba hojalygy, ekologiýa, lukmançylyk we başgalar.
ORIENT news
