Belarus Respublikasy 2025-nji ýyldan elektromobilleri öndürip başlar
“BELJI” ýapyk görnüşli ätiýaçlyk paýdarlar jemgyýetine (SZAO) amala aşyran saparynyň dowamynda Prezident Aleksandr Lukaşenko “Belgee X50” modelli awtoulaglaryň binýadynda 2025-nji ýylyň 1-nji ýanwaryndan täze elektrik ulaglaryň önümçiligine başlamagy wezipe edip goýdy. Bu barada “BELTA” habarlar agentligi mälim edýär.
Žurnalistler bilen bolan söhbetdeşliginde Respublikanyň wise-premýeri Petr Parhomçik şu ýylyň ahyryna çenli hünärmenleriň öňünde elektrik ulaglarynyň düzümlerini öndürmek üçin zerur bolan tehnologiýa kuwwatlyklary döretmek wajyp bolup durýar. Mysal hökmünde aýdylsa, ýokary peseldijili tigirleri öndürip bolar.
Wise-premýer “Biz “BELAZ”, “MAZ” kärhanalarynyň ýük awtoulaglary üçin tigirleri öndürip bileris, ýöne ýeňil awtoulag babatda biziň heniz tejribämiz ýok” diýip belledi.
Şeýle hem senagat taýdan ösen elektrik ulaglary öndürmek we olary sertifikatlaşdyrmak işini tamamlamak möhümdir.
Elektromobil önümçiligine belarus kärhanalaryny, şol sanda “Izmeritel” zawodyny we “Integral” açyk görnüşli paýdarlar jemgyýetini çekmek göz öňünde tutulýar.
Elektrik ulagynda “Belgee X50” modelli ilkinji belarus ulagynyň kabinasy bolar. “BELJI” SZAO zawodynda şeýle hem täze ulaglary kebşirlemek, reňklemek we beýleki işleri geçiriler. Bu öz gezeginde, elektromobil önümçiliginiň çykdajylaryny azaltmaga şert döreder.
Petr Parhomçigiň sözlerine görä, zawodyň ilkinji kämil nusgalary bu ýerde ýygnalar.
ORIENT news
