Aşgabatda we Ahalda awtoulaglaryň tehniki ýagdaýyny anyklaýyş we hasaba alyş toparynyň täze edara binalary açyldy
Aşgabat şäheriniň Büzmeýin etrabynda we Ahal welaýatynyň Ak bugdaý etrabynda Polisiýanyň ýol gözegçligi gullugynyň awtoulaglaryň tehniki ýagdaýyny anyklaýyş we hasaba alyş toparynyň täze edara binalary dabaraly açyldy. Bu barada “Türkmenistan” gazeti habar berýär.
Täze desgalarda awtoulaglaryň tehniki mümkinçiliklerini we kemçiliklerini ýokary hil derejesinde anyklamaga mümkinçilik berýän döwrebap enjamlar ornaşdyrylandyr. Täze merkezleriň ýurtda awtoulaglaryň sanynyň artmagynyň we ýollarda howpsuz hereketi üpjün etmegiň netijesinde gurlandygy bellenýär.
Awtoulag serişdeleriniň Türkmenstanyň ekologiýa talaplaryna laýyklyk derejesine aýratyn üns berler. Täze desgalar ýakyn wagtda bellenjek Watan goragçylarynyň gününe ajaýyp toý sowgady boldy.
ORIENT news
