Ärdogan Arş giňişligindäki ilkinji türk kosmonawty bilen söhbetdeş boldy
Ýanwar 23, 2024 | 12:57 |7702
Türkiýäniň Prezidenti Rejep Taýyp Ärdogan häzirki wagtda Arş giňişliginde gezip ýören ilkinji türk kosmonawty Alper Gezerawji bilen wideoaragatnaşyk arkaly söhbetdeş boldy.
Döwlet Baştutany kosmonawtyň Arş giňişligine bu syýahatynyň Türkiýäniň kosmos gözlegleri pudagynda täze eýýamynyň başlanýandygyny aňladýandygyny bellemek bilen, oňa Halkara kosmos stansiýasyndaky ylmy-barlag işlerinde üstünlikleri arzuw etdi.
Gezerawji öz gezeginde bu möhüm missiýada Türkiýäniň adyndan wekilçilik etmäge döredilen mümkinçilik üçin hoşallyk bildirdi.
Alper Gezerawji 19-njy ýanwarda “Ax-3” atly ekipažyň düzüminde “Dragon” Arş gämisinde Ýerden Halkara kosmos stansiýasyna uçdy.
ORIENT news
