Daşary işler ministriniň orunbasary Italiýanyň ilçihanasyna bardy
Ýanwar 23, 2024 | 10:52 |3837
Türkmenistanyň daşary işler ministriniň orunbasary Serdar Muhammetdurdyýew Italiýanyň Aşgabatdaky ilçihanasyna baryp, türkmen-italýan hyzmatdaşlygynyň meselelerini maslahatlaşdy. Bu barada Italiýanyň ilçihanasy habar berýär.
Bellenişi ýaly, duşuşyk örän netijeli ýagdaýda geçip, taraplar ikitaraplaýyn gatnaşyklary mundan beýläk-de ösdürmek üçin tagallalary dowam etdirmegi ylalaşdylar. Serdar Muhammetdurdyýew daşary işler ministriniň orunbasary wezipesine ýakynda bellenipdi.
Italiýa Türkmenistanyň esasy hyzmatdaşlarynyň biridir. Iki ýurt dürli ugurlarda netijeli hyzmatdaşlyk edýärler. Ýakynda bolsa, Aşgabat we Milan şäherleriniň arasynda uçar gatnawlary ýola goýuldy.
ORIENT news
