Dürli maksatly 47 desga hususy taraplara satylýar
9-njy fewralda Türkmenistanda döwlet eýeçiligine degişli 47 desgany hususy taraplara satmak maksady bilen bäsleşikli söwda geçiriler. Bu baradaky bildiriş Türkmenistanyň resmi metbugatynda çap edildi.
Bäsleşikli söwda Türkmenistanyň Maliýe we ykdysadyýet ministrligi tarapyndan www.е.fineconomic.gov.tm. döwlet eýeçililikleriniň söwda sanly meýdançasynda geçiriler. Bäsleşikli söwda gatnaşyjylary bellige almak işi 1 sagat öňünden – 09:00-da başlanýar.
Bäsleşikli söwdada Daşary ykdysady aragatnaşyklar ministrligine, Suw hojalygy baradaky döwlet komitetine, “Türkmenawtoulaglary” agentligine, Aşgabat şäher, Daşoguz, Lebap we Mary welaýat häkimliklerine, “Türkmenbaşy” bankyna, Awtomobil ýollaryny dolandyrmak baradaky döwlet agentligine, “Türkmenhaly” döwlet birleşigine we “Türkmenhimiýa” döwlet konsernine degişli desgalar hususylaşdyrylýar.
Habarlaşmak üçin telefon belgileri:
Aşgabat: (+993 12) 92-12-97/92-11-34, 39-46-09/63/69;
Änew: (+993 137) 3-30-21/3-31-80;
Balkanabat: (+993 222) 7-89-34/7-89-17/7-89-53;
Daşoguz: (+993 322) 9-10-19/9-15-10;
Türkmenabat: (+993 422) 6-11-52/6-11-59;
Mary: (+993 522) 6-06-87/6-05-41.
ORIENT news
