Türkmenistanyň Döwlet haryt-çig mal biržasynyň söwdalarynda nebithimiýa, dokma senagaty önümleri we el halylary ýerlenildi
Duşenbe güni, 22-nji ýanwarda, Türkmenistanyň Döwlet haryt-çig mal biržasynyň söwdalarynda içerki we daşarky bazarlarda nebithimiýa, dokma senagaty önümleri we el halylary ýerlenildi.
Türkiýäniň we Azerbaýjanyň telekeçileri türkmen kompaniýalary bilen boýalan «Flanel» matany we dokma galyndylaryndan dikeldilen süýümi satyn almak barada geleşikleri baglaşdylar.
Içerki bazarda türkmen işewürleri Türkmennebit” döwlet konserni bilen «BND 60/90» kysymly nebit ýol bitumyny satyn almak barada geleşik baglaşdylar.
Şeýle hem olar el halylaryny satyn aldylar.
Söwdalaryň dowamynda jemi bahasy 2 529 451,67 manat we 205 180 dollar bolan dört geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bolar (https://www.exchange.gov.tm/quotations)**.
ORIENT news
