Gazagystanda gurakçylyga çydamly ekinler ekiler
“Milli agrar ylmy-okuw merkezi” täjirçilik däl paýdarlar jemgyýetiniň mejlisinde ýurduň Premýer ministriniň orunbasary Serik Žumangarin seçgiçi alymlaryň öňünde gyrakçylyga çydamly ekinleriň görnüşlerini işläp taýýarlamak wezipelerini goýdy. Bu barada DKNews.kz neşiri mälim edýär.
Bäsdeşlige ukyply täze görnüşli ekinleri döretmek işini däp bolan we biotehnologiýa, gen inženerçiligi usullarynyň utgaşdyrylmagy arkaly alyp barmak ýokarda ady agzalan ylmy edaranyň esasy maksatlarynyň biridir.
Gazagystanyň bugdaý ösdürilip ýetişdirilýän sebitlerinde A.I.Baraýew adyndaky bugdaý hojalygynyň ylmy-önümçilik merkeziniň taýýarlan bugdaý görnüşleri uly meşhurlyga eýe bolýar. Bu merkeziň täze görnüşli ýazlyk bugdaýy ýurduň Akmola welaýatynyň ekin ýerleriniň 67 göteriminde (2 874,6 müň gektar), SKO-nyň 23 göterim (586,1 müň gektar), Karagandiniň 14 göterim (109,2 müň gektar) we Kostanaýyň 9 göterim (320,8 müň gektar) bugdaý meýdanlarynda ekildi.
A.I.Baraýew adyndaky bugdaý hojalygynyň ylmy-önümçilik merkeziniň ýolbaşçysy Timur Sawiniň sözlerine görä, ýakynda “Taýmas” diýlip at berlen gurakçylyga, aşa gyzgynlyga we kesellere çydamly täze görnüşli bugdaý sorty patentleşdirildi. Bu sort bugdaýyň esasy ekilýän görnüşi hökmünde giňeldiler.
Ž.Žiýembaýewa adyndaky Ösümlikleri goramak we karantin institutynyň alymlaryna degişli şahadatnamalaşdyryşyň täze ulgamyny döretmek teklip edildi. Bu institut degişli ugurda ýurtda hereket edýän ýeke-täk ylmy merkezdir.
ORIENT news
