Gurbanguly Berdimuhamedowyň kitaby ýapon dilinde neşir edildi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň geçen ýylyň tomsunda çykan “Ömrümiň manysynyň dowamaty” atly kitaby ýapon dilinde neşir edildi. Bu barada Türkmenistanyň Döwlet habarlar agentligi mälim edýär.
Meşhur syýasatçy türkmen halkynyň Milli Lideriniň durmuş we döredijilik ýoly, dürli meseleler boýunça garaýyşlary baradaky eserleri diňe bir Türkmenistanda däl eýsem, daşary döwletlerde hem uly gyzyklanma eýedir. Onuň nobatdaky eserini indi ýapon okyjylary hem öz ene dillerinde tanşyp bilerler.
Eser Ýaponiýanyň Sukuba uniwersitetiniň hünärmenleri tarapyndan ýapon diline terjime edilipdir. Ýeri gelende bellesek, Gurbnaguly Berdimuhamedowa 2015-nji ýylda bu ýokary okuw mekdebiniň hormatly doktory diýen alymlyk derejesi berildi.
“Ömrümiň manysynyň dowamaty” atly kitabyň ýapon diline terjime edilmegi bilen, okyjylara halkymyzyň umumadamzat ähmiýetli taryhy we baý medeniýeti, giň durmuş filosofiýasy, dünýägaraýşy, parasatly öwüt-ündewleri baradaky düşünjelerini giňeltmäge mümkinçilik döredildi.
ORIENT news
