Owganystandaky elektrik desgalaryň döwrebaplaşdyrylmagy türkmen elektrik energiýasynyň importyny ardyrmaga şert döreder
Owganystanyň Energetika we suw serişdeleri ministrligi Kabul şäheriniň golaýynda ýerleşýän elektrik beketlerini döwrebaplaşdyrmaga girişdi. Umumy bahasy 70 million dollara barabar bu taslamanyň durmuşa geçirilmegi türkmen eleketrik energiýasynyň importyny 1 müň megawata çenli artdyrmaga ýardam eder. Bu barada "TOLO" habarlar agentligi mälim edýär.
Bellenişi ýaly, geçirijiligi 500 kilowatt bolan elektrik geçirijisi Türkmenistana çenli uzaldylar. Munuň netijesinde 1 müň megawatlyk elektrik energiýasyny import etmäge mümkinçilik dörär. Şeýlelikde, elektrik üpjünçilik meseleleri oňyn çözüler diýip, ministrligiň ýolbaşçysy Abdul Latif Mansur belleýär.
Şeýle hem Owganystan durmuş maksatly desgalaryň elektrik energiýasy bilen üpjünçiligini gowulandyrmak üçin öz elektrik desgalarynyň önümçiligini giňeltmegi göz öňünde tutýar. Munuň üçin goňşy döwlet daşary ýurtly taraplar bilen maýa goýum gepleşiklerini geçirýärler.
ORIENT news
