Türkmenistanyň Prezidentiniň Tatarystanyň Baştutanyna sowgat eden alabaýy Russiýanyň çempiony boldy
2021-nji ýylda Halkara Ahalteke atçylyk hem-de Halkara «Türkmen alabaý itleri» assosiasiýalarynyň Prezidenti Serdar Berdimuhamedow tarapyndan Tatarystan Respublikasynyň Baştutany Rustam Minnihanowa sowgat berlen «Ak dost» («Akdus») atly türkmen alabaýy «Merkezi Aziýa owçarkasy» diýen ýaryşda iki ugur boýunça Russiýanyň çempiony boldy. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň şenbe güni Arkadag şäherine bolan saparynyň dowamynda aýdan sözlerine salgylanyp, Türkmenistanyň Döwlet habarlar agentligi mälim edýär.
«Ak dost» Russiýanyň dürli şäherlerinde geçirilen birnäçe sergilere we bäsleşiklere gatnaşyp, tejribe toplady. Bu çärelerde ol eminleriň ýokary bahalaryna mynasyp boldy diýip Gurbanguly Berdimuhamedow “Ak dost” atly türkmen alabaýynyň geçirilen bäsleşiklerde mynasyp bolan Güwanamalaryny dabaraly ýagdaýda gowşurdy we “Halkara ahalteke atlary” assosiasiýasynyň, «Türkmen alabaý itleri» assosiasiýasynyň agzalaryny gutlady.
Ol birinji sylaga 2024-nji ýylyň 15-nji ýanwarynda arassaganlylygy we owadanlygy üçin mynasyp boldy. Bu ugurda – boýuna, agramyna, beden gurluşyna, saglyk ýagdaýyna, owadanlygyna we arassaganly Merkezi Aziýa owçarkalarynyň umumy ykrar edilen talaplaryna laýyk gelýändigine üns berilýär.
Ikinji sylaga 2024-nji ýylyň 17-nji ýanwarynda düşbüligi, ünslüligi we buýrugy ýerine ýetirmek ukyby üçin mynasyp boldy. «Merkezi Aziýa owçarkasy» derejesi boýunça çempionata tutuş Russiýa boýunça 200-e golaý it gatnaşdy.
ORIENT news
