Ýaponiýa Aýa kosmos gämisini uçuran dünýäniň bäşinji ýurdy boldy
Ýaponiýa Aýa kosmos gämisini uçuran dünýäniň bäşinji ýurdy boldy. Ýaponiýanyň SLIM (Smart Lander for investigating Moon) moduly Aýyň üstüne gondy.
Bu barada Ýaponiýanyň JAXA aerokosmos barlaglary agentligi habar berdi. Modul bilen aragatnaşyk ýola goýuldy. Has takyk maglumatlar soňra habar berler, çünki, moduldaky gün batareýalary entek energiýanyň toplamaga başlamadylar.
SLIM moduly Aýyň üstüne bellenilen wagtda gondy.
Missiýanyň maksatnamasy iki sany kiçi robotlaşdyrylan zondlary Aýyň üstüne ýerleşdirmegi göz öňünde tutýar. Zondlar kameralar bilen üpjün edilip, olar Aýyň üstüne düşen pursatlaryny surata almalydylar. Entek bu meselede anyklyk ýok.
SLIM enjamlaryň Aýyň üstüne takyk düşmek tehnologiýasyny kämilleşdirmek üçin niýetlenen moduldyr. Ol Ýeriň hemrasynyň relýefini we kraterlerini öwrener. Modulyň boýy 2,4 metr, ini 2,7 metr, agramy bolsa 200 kilograma ýakyndyr. Enjam Aýyň topragyndaky demriň we beýleki elementleriň mukdaryny ölçemäge mümkinçilik berýän kamera bilen üpjün edildi.
ORIENT news
