Türkmenistan Parižde geçiriljek Olimpiýa oýunlaryna gatnaşjak türgenleri taýýarlaýar
Şu ýyl Pariž şäherinde geçiriljek XXXIII tomusky Olimpiýa we XVII tomusky Paralimpiýa oýunlaryna Türkmenistanyň ýygyndy toparlaryny taýýarlamak işlerine aýratyn üns berilýär. Bu barada anna güni geçirilen Hökümet mejlisinde mälim edildi diýip, Türkmenistanyň Döwlet habarlar agentligi habar berýär.
Bellenişi ýaly, şu ýyl bedenterbiýäni, sporty, Olimpiýa hereketini ösdürmäge, ussat türgenleri taýýarlamaga, ýaşlarymyzyň sagdyn, berk bedenli bolmagyny, sport bilen meşgullanmaklaryny gazanmaga mundan beýläk-de aýratyn ähmiýet berler.
Tomsuky Olimpiýa oýunlaryny şu ýylyň 26-njy iýuly - 11-nji awgustynda Fransiýanyň paýtagty Pariž şäherinde geçirmek meýilleşdirilýär. Tokio şäherinde geçen Olimpiýa oýunlarynda Türkmenistan özüniň taryhynda ilkinji olimpiýa medalyny gazandy.
ORIENT news
