Ýolagçy gämide Hazar deňzi boýunça ilkinji syýahat guralar

Ýanwar 20, 2024 | 10:58 |30403

Çeşme: riverforum.net

"Beýik Wolžsk ýoly" atly taslamanyň çäklerinde Hazar deňzi boýunça ilkinji ýolagçy gämili syýahaty guralar. Bu barada Russiýanyň ykdysady ösüş ministriniň orunbasary Dmitriý Wolwaç mälim edýär.

Ilkinji deňiz syýahaty Azerbaýjanyň, Eýranyň, Gazagystanyň, Türkmenistanyň we Russiýanyň kenarýaka şäherlerine guralar.

Russiýaly we daşary ýurtly syýahatçylar 4 gatly "Beýik Pýotr" gämisinde degişli ugurlar boýunça syýahatdan lezzet alyp bilerler. Häzirki wagtda Astrahan oblastyndaky "Lotos" gämigurluşyk zawodynda bu gäminiň gurluşygy alnyp barylýar.

"Beýik Pýotr" gämisiniň gurluşygyna 2016-njy ýylyň awgust aýynda başlanypdy. Moskwanyň deňiz gämiçilik edarasynyň buýurmasy esasynda gurulýan gämi şu ýyl ulanmaga berler.

ORIENT news

Ýolagçy gämide Hazar deňzi boýunça ilkinji syýahat guralar

Beýleki habarlar

ABŞ-nyň gazna obligasiýalarynyň girdejiliginiň ýokarlanmagy sebäpli Ýewropanyň obligasiýalary basyş astynda

Eýranyň Pars welaýatynda täze gaz käninde 7,5 trillion kub futdan gowrak gaz tapyldy

Türkmenistanyň Katardaky ilçisi Kataryň Ösüş Gaznasynyň ýolbaşçylygy bilen duşuşdy