Serdar Berdimuhamedow Ýewropa Komissiýasynyň wise-prezidenti Margaritis Şinasy kabul etdi
Prezident Serdar Berdimuhamedow 17-nji ýanwarda Ýewropa Komissiýasynyň wise-prezidenti Margaritis Şinasy kabul etdi. Myhman döwlet Baştutanyna Ýewropa Bileleşiginiň ýolbaşçylarynyň mähirli salamyny ýetirdi we ÝB-niň Türkmenistan bilen dialogy giňeltmäge isleg bildirýändigini mälim etdi.
Serdar Berdimuhamedow ÝK-nyň wise-prezidentiniň Aşgabat şäherine saparynyň we türkmen kärdeşleri bilen geçirilen gepleşikleriň Türkmenistan bilen Ýewropa Bileleşiginiň arasyndaky täze ugurlary we geljegi ara alyp maslahatlaşmaga mümkinçilik berjekdigini aýtdy.
Türkmenistanyň Prezidenti, “Merkezi Aziýada durnukly energetika gatnayşyklary”/SECCA, “Merkezi Aziýada oýlap tapyjy ýaşlar üçin dialog we hereket”/DARYA ýaly taslamalary öz içine alýan ÝB-niň sebitleýin taslamalarynyň birnäçesiniň, Merkezi Aziýada serhet dolandyryşyna ýardam bermek Maksatnamasynyň/BOMCA 10, Merkezi Aziýada neşe serişdeleriniň ýaýradylmagynyň öňüni alyş Maksatnamasynyň/CADAP üstünlikli durmuşa geçirilýändigini belläp geçdi.
Şeýle-de, häzirki wagtda Ýewropanyň öňdebaryjy kompaniýalarynyň türkmen ykdysadyýetiniň köp pudaklarynda: nebit-gaz pudagynda, elektrik, gurluşyk, aragatnaşyk we kommunikasiýa pudagynda iş alyp balyp barýandygy bellendi.
Serdar Berdimuhamedow we Margaritis Şinas möhüm ugurlarda hyzmatdaşlygyň geljegini ara alyp maslahatlaşdylar we şu nukdaýnazardan ýanwar aýynyň ahyrynda Brýusselde geçiriljek durnukly ulag boýunça “ÝB-MA” maýa goýum forumyna üns berildi.
Türkmenistan bu forumyň işine işjeň gatnaşmaga isleg bildirýär, sebäbi sebitleriň arasyndaky ulag we logistika täsiri Ýewropa Bileleşigi bilen hyzmatdaşlyga giň mümkinçilikleri açar we Merkezi Aziýa bilen Ýewropany birleşdirýän Hazarüsti ulag geçelgesini multimodal, durnukly ýagdaýa öwürmäge mümkinçilik döreder.
ORIENT news
