Rimde türkmen-italýan gatnaşyklarynyň ugurlary ara alnyp maslahatlaşyldy
Türkmenistanyň Rimdäki ilçisi Toýly Kömekow duşenbe güni Italiýanyň daşary işler we halkara hyzmatdaşlygy ministriniň orunbasary Edmondo Çiriýelli bilen duşuşdy.
Söhbetdeşlikde taraplar hyzmatdaşlygy giňeltmek boýunça 2019-njy ýylyň noýabr aýynda Türkmenistanyň Prezidentiniň Italiýa eden saparynyň ähmiýetini nygtadylar we iki ýurduň Liderleriniň arasyndaky ylalaşyklaryň ösüşini ara alyp maslahatlaşdylar.
Söhbetdeşler şeýle hem, halkara guramalarynyň çäginde ikitaraplaýyn hyzmatdaşlygy güýçlendirmek we ykdysadyýet, ylym, medeniýet we söwda pudaklarynda özara gatnaşyklary ýokarlandyrmak boýunça mundan beýläkki çäreleri ara alyp maslahatlaşdylar.
Hususan-da, taraplar Daşary işler ministrlikleriniň arasyndaky geňeşmeleri, pudak edaralarynyň ýolbaşçylarynyň gatnaşmagynda bilelikdäki çäreleri guramak, hukuk binýadyny berkitmek we medeni çäreleri geçirmek meselesine garadylar.
ORIENT news
