Türkmenistanyň DIM-de ÝB-niň daşary syýasat gullugynyň ýokary derejeli wekili bilen duşuşyk geçirildi
Türkmenistanyň daşary işler ministriniň orunbasary Mähri Bäşimowa penşenbe güni Ýewropanyň Daşary aragatnaşyklar boýunça gullugynyň Russiýa, Gündogar hyzmatdaşlygy, Merkezi Aziýa, Sebitleýin hyzmatdaşlyk we ÝHHG boýunça dolandyryjy direktorynyň orunbasary Lýuk Dewin bilen duşuşdy.
Daşary işler ministrligiň metbugat beýanatyna görä, diplomatlar ÝB-niň taslamalaryny we maksatnamalaryny durmuşa geçirmek, ikitaraplaýyn saparlary we çäreleri guramak, nobatdaky ministrler duşuşygyny “Ýewropa Bileleşigi - Merkezi Aziýa” görnüşinde geçirmek bilen baglanyşykly meseleleri ara alyp maslahatlaşdylar.
Erazmus+ talyp alyş-çalyş maksatnamasynyň çäginde özara gatnaşyklara we ulag pudagyndaky hyzmatdaşlyga, şol sanda 2024-nji ýylyň 29-30-njy ýanwarynda Brýusselde Maýadarlar forumynyň geçirilmegine aýratyn üns berildi.
ORIENT news
