“Huawei” kompaniýasy “Android” ulgamyna esaslanmaýan “HarmonyOS-yň” täze görnüşini işe girizýär
“Huawei Technologies Co” kompaniýasy özbaşdak “HarmonyOS” operatiw ulgamynyň täzelenen görnüşini tanyşdyrdy. Ol adaty görnüşdäkä garanyňda, “Android” ulgamyna esaslanmaýar.
Mundan daşary, “HarmonyOS Next” operatiw ulgamy “Android-iň” programma goşundylaryny goldamaz.
“Huawei” işewürler-sarp edijiler toparynyň baş direktory Ýuý Çendunyň metbugat maslahatynda mälim etmegine görä, täze görnüş ulanmak üçin has amatly bolup, dürli görnüşli enjamlarda hem netijeli işleýär.
Täze ulgam “MindSpore” atly freýmworkda işleýän “Pangu” integrirlenen emeli intellekte eýedir.
“HarmonyOS NEXT” ilki bilen hytaý bazaryna ýaýrajak enjamlarda ornaşdyrylar.
“Androidiň” ornuny tutmak üçin “Huawei” kompaniýasy bu operatiw ulgamyny 2019-njy ýylyň awgustynda tanyşdyrypdy.
ORIENT news
