Türkmenistanyň Brýusseldäki diplomatik wekilhanasy Ýewropanyň KHBS-i üçin metbugat brifingini gurar
Türkmenistanyň Ýewropa Bileleşiginiň ýanyndaky hemişelik wekili Saapr Pälwanow Ýewropanyň köpçülikleýin habar beriş serişdeleriniň wekilleriniň öňünde metbugat brifingini geçirer. Ol Türkmenistanyň daşary syýasatynyň 2024-nji ýyldaky esasy ugurlaryna bagyşlanar. Bu barada Türkmenistanyň Brýussel şäherindäki diplomatik wekilhanasy habar berýär.
Bu barada türkmen ilçisiniň “Diplomatic world” institutynyň esaskandyryjy ýolbaşçysy we taslama menejeri Alberto Turkstra bilen bolan duşuşygynda aýdyldy. Onda taraplar diplomatik we medeni ugurlarda bilelikdäki çäreleri guramak meselelerini maslahatlaşdylar.
Şeýle bilelikdäki çäreleri “Pähim-paýhas ummany Magtymguly Pyragy” diýlip yglan edilen ýylda akyldar şahyryň doglan gününiň 300 ýyllygyna bagyşlap guramak hem göz öňünde tutulýar.
ORIENT news
