German üpjün edijisi Türkmenistanyň tehniki uglerod öndüriji kompaniýasy bilen ylalaşyk baglaşdy
Germaniýanyň tehniki uglerod üpjün ediji “PentaCarbon” kompaniýasy “Eziz Dag” atly türkmen hususy kärhanasy bilen ylalaşyk baglaşdy. Onuň netijesinde, türkmen kärhanasynda öndürilen “N990” görnüşli termiki we tehniki uglerody ýewropa bazarlaryna iberiler. Bu barada dünýäniň himiýa we nebithimiýa bazaryny öwrenýän “ChemAnalyst” neşiri habar berýär.
German kompaniýasy esasy başlangyç hökmünde “Eziz Dag” bilen bilelikdäki taslamanyň bazara termiki uglerod önümçilik goşmaça kuwwatlyklary getirýändigini belleýär.
“TürkmenKarbon” önümçilik kärhanasy ýylda 10 müň tonna tehniki uglerod öndürmäge ukyplydyr. Bu köptaraply çig mal rezin, plastmassa önümçiliginde we gurluşykda giňden ulanylýar.
Önümçilik gerimini giňeltmek bilen “Eziz Dag” topary ýakynda Mary sebitinde täze uglerod önümçilik zawodyny açdy. Bu döwrebap desga ýylda 3 müň tonna önüm öndürip, degişli bazaryň isleglerini kanagatlandyrar.
German we türkmen kompaniýalarynyň arasynda baglaşylan ylalaşyk diňe bir ýewropa bazaryny tehniki uglerod bilen üpjün etmek bilen çäklenmän, eýsem, gaz rezin önümçiligi üçin hem möhüm binýady emele getirýär. Germaniýa Ýewropa bazarynda tehniki uglerody esasy sarp edijidir. Tehniki uglerod bu ýurtda esasan, teker we rezin önümçiliginde ulanylýar.
ORIENT news
