Eýranyň nebit ministri iki günlük sapar bilen Aşgabat şäherine geldi

Ýanwar 18, 2024 | 18:51 |6331

Eýranyň nebit ministri Jawad Oji iki günlük Aşgabatda saparda bolup, Türkmenistan bilen gaz we nebit önümleriniň söwdasy, inžener-tehniki hyzmatlarynyň we nebit enjamlarynyň eksporty boýunça hyzmatdaşlygy ösdürmek barada gepleşikler geçirdi. Bu barada IRNA agentligi Eýranyň nebit we gaz edarasynyň maglumatlaryna salgylanyp habar berýär.

Çeşmäniň habaryna görä, ministr bu sapara Eýranyň Milli gaz kompaniýasynyň Baş müdiri we ýangyç-energetika pudagynyň beýleki işgärleri bilen geldi.

Jawad Oji şu gün Prezident Serdar Bardimuhamedow bilen duşuşdy.

Eýranyň nebit ministri Türkmenistanyň Daşary işler ministrliginde hem gepleşikleri geçirdi.

ORIENT news