Balkan welaýatynyň şäherleri we obalary abadanlaşdyrylar
Balkan welaýat häkimliginiň Gurluşyk müdirligi welaýatyň çäginde binalary, inžener ulgamlaryny gurmak we şäherleri, obalary abadanlaşdyrmak işlerine gatnaşjak potratçylary saýlap almak boýunça bäsleşik yglan etdi. Bu boýunça degişli bildiriş Türkmenistanyň resmi metbugatynda çap edildi.
Bäsleşige hususy türkmen kompaniýalary gatnaşyp bilerler. Gyzyklanma bildirýän taraplar degişli arza bilen, hukuk ýagdaýyny we soňky 3 ýylda durmuşa geçiren taslamalary baradaky maglumatlary ýazgy görnüşde tabşyrmalydyr. Şeýle hem telekeçiler Senagatçylar we telekeçiler birleşmesinden kepilnama we maddy-tehniki üpjünçilik esaslary barada güwänama almalydyrlar.
Resminamalar Balkanabat şäheriniň Gurbansoltan eje şaýolunyň 14-nji jaýynda kabul edilýär.
ORIENT news
